अण्णासाहेब पाटील ट्रॅक्टर योजना | Annasaheb Patil Tractor Scheme

    अण्णासाहेब पाटील महामंडळ प्रामुख्याने शेतीपूरक व्यवसायाला प्राधान्य देते. या सगळ्या गोष्टींचा विचार लक्षात घेता लक्षात घेता
अण्णासाहेब पाटील महामंडळातर्फे ट्रॅक्टर योजनेची सुरुवात करण्यात आलेली आहे.शासनाच्या अनेक योजनांच्या माध्यमातून शेतकऱ्यांना अनुदान देण्यात येते. अशा अनेक योजना शासन राबवते की जेणेकरून त्याचा शेतकऱ्यांना फायदा होईल व शेतकरी स्वावलंबी बनेल. शेती हा आपल्या देशाचा कणा असल्यामुळे शेतकऱ्यांना सरकारतर्फे योजनेच्या माध्यमातून हातभार लावणे गरजेचे आहे. अण्णासाहेब पाटील महामंडळ देखील शेतकऱ्यांसाठी योजना राबवते. मराठा समाजाला आर्थिक हातभार लागावा व शेतकऱ्यांची ट्रॅक्टर खरेदीची मागणी लक्षात घेता.महामंडळातर्फे ट्रॅक्टर खरेदीसाठी 15 लाखापर्यंतच्या कर्जावर येणारे व्याज परत देण्यात येणार आहे. त्यामुळे अण्णासाहेब पाटील महामंडळामार्फत ट्रॅक्टर व्याज परतावा योजना राबविण्यात येत आहे. वैयक्तिक कर्ज व्याज परतावा योजनेअंतर्गत ट्रॅक्टर साठी स्थगित झालेली प्रकरणे देखील सुरू करण्याची कार्यवाही चालू झालेली आहे.

महामंडळाच्या योजनांची जनजागृती राज्यामध्ये गाव पातळीपर्यंत करण्याच्या उद्देशाने जिल्हा निहाय दौरे व मेळाव्यांचे आयोजित करण्यात आली असून राज्यातील विविध तालुक्यांमध्ये व जिल्ह्यांमध्ये महामंडळाच्या योजनांची प्रसिद्धी करण्यात येत आहे.  ट्रॅक्टर खरेदीसाठी कर्ज प्रकरणे सुरू करून त्याचा लाभ गरीब शेतकऱ्यापर्यंत पोहोचवण्या करता विशेष प्रयत्न केले जाणार आहेत. लाभार्थ्याच्या फायद्यासाठी महामंडळातर्फे योजनांमध्ये करण्यात आलेले बदल खालील प्रमाणे :

    १.  वैयक्तिक  कर्ज व्याज परतावा योजना अंतर्गत कर्ज मर्यादा रुपये १० लाखा वरून रुपये १५ लाखापर्यंत वाढवण्यात आली आहे. 

    २.  ३ लाख रुपयांच्या मर्यादित करण्यात येणाऱ्या व्याज परताव्याची मर्यादा ४.५ लाख रुपयापर्यंत वाढवून कर्ज कालावधी ५ वर्षाहून ७ वर्षापर्यंत वाढवला आहे.

अशा पद्धतीने शेतकऱ्यांसाठीची ही योजना शेवटपर्यंत पोहोचावी यासाठी विशेष प्रयत्न केले जात आहेत.